Ақжайық ауданының Құрайлысай ауылдық округіне қарасты Сайқұдық ауылында ЭКСПО-2017 Халықаралық көрмесін қолдау мақсатында футболдан біріншілік ұйымдастырылды.
Сайысқа алаң иелерінен төрт командадан басқа ауданның Есенсай, Кеңсуат, Көнеккеткен ауылдарының және көршілес Сырым ауданынан Қособа ауылдық округінің жастары келді.
Қатысушылар алдымен 2 топқа бөлініп, өзара мықтыны анықтады. Сөйтіп, финалда Құрайлысай мен Көнеккеткен командалары кездесті. Мұнда құрайлысайлықтар басым түсті. ІІІ орынды сайқұдықтық оқушылар жеңіп алды.
Бекем БЕКҰЛЫ
Ақжайық ауданы
zhaikpress.kz
