Бүгін Жәнібек ауданынан оқушылардың екінші легі Астана қаласында өтіп жатқан ЭКСПО халықаралық мамандандырылған көрмесіне аттанды.
Оларды шығарып салу үшін орталық алаңға ата-аналар, білім беру бөлімінің қызметкерлері, аудан әкімінің орынбасары Біржан Меңешов келді.
-Бұлар бюджет қаражаты есебінен елордаға аттанып бара жатқан екінші топ. Аудан мектептерінен 97 оқушы бар. Сапар барысында олардың қастарында жетекшілер, медбикелер және полиция қызметкері болады. Балалар Астанада болған кезде ЭКСПО-ны тамашалап, қаланың көрікті жерлеріне саяхат жасайды. Алғашқы лектегі 80 оқушы ата-аналардың демеушілігімен барған болатын,-дейді аудандық білім беру бөлімінің басшысы Миранбек Ибатов.
А.ЕСІРКЕПОВ
Жәнібек ауданы
zhaikpress.kz
