Оралда 2000-2001 жылы туған жасөспірім ұлдар мен қыздар арасында қазақ күресінен Батыс Қазақстан облыстық чемпионаты өтті. Оған 12 аудан және Орал қаласынан 120-ға жуық палуан қатысты.
Екі күнге созылған тартысқа толы чемпионатта жаңақалалық қос палуан қыз топ жарып, жарыстың ең биік сатысынан көрінді. Атап айтсақ, 44 келі салмақ дәрежесінде белдескен Әсем Бейсенғалимева I орынның талассыз иесі атанса, 52 келі салмақта күрескен Гүлмира Хомиченко да қарсылас шыдатпай, I орынды олжалады. Сондай-ақ, жеңімпаз палуандарға қаңтар айының соңында Талдықорған қаласында өтетін ел біріншілігіне жолдама берілді.
Алтынбек ЕРМЕКҚАЛИЕВ
Жаңақала ауданы
