Балаларды қуанту үшін не істесек болады? Дұрыс ойлайсыз, бала тәттіге қуанады. Әсіресе тәттінің түр-түрін толтырған қоржын сыйға тартсаң, қуанышы да еселене түсері сөзсіз. Кеше Балаларды қорғау күнінде теректілік ерекше балаларға аудан әкімі мен жомарт кәсіпкерлер атынан сондай тәтті қоржындар таратылды.
Аудандағы 151 ерекше баланың әрқайсысына жергілікті әкімшілік қызметшілері сыйлықтарды таратып, жеткізіп берді.
Баласы қуанса, бірге қуанатын ата-аналар алғыстарын жаудырып жатыр.
Подстепное ауылында тұратын әлеуметтік қамқорлықтағы талантты өрен Қуанғали Кенжебай жыр жолдарымен балаларға ерекше құттықтау жолдап, ризашылығын білдірді.
Камелия Өтеу,
Теректі ауданы
zhaikpress.kz
