Бүгін Сырым ауданы әкімінің орынбасары Артур Шерғалиев пен аудандық жұмыспен қамту және әлеуметтік бағдарламалар бөлімінің басшысы Кенжегүл Исатаева сырымдық ерекше нәзік жандыларды үйлеріне барып, арнайы құттықтады.
Қыз-келіншектердің, аяулы аналардың мерекесінде ақжарма тілегі мен тәттісін ала келген басшыларға ерекше жандар алғысын білдіріп, ақ жаулықты аналар батасын берді.
- Қоғамда кез-келген адамның құқығы тең. Біз үшін де бұл жандардың орны бөлек,- деді Артур Мұратұлы.
Аудандық жұмыспен қамту және әлеуметтік бағдарламалар бөлімінен үйге қызмет алатын жандар да аталған бөлім қызметкерлеріне ризашылығын білдірді.
Айжан Бауыржанқызы,
zhaikpress.kz
