Кеңес әскерінің Ауған жерінен шығарылғанына 35 жыл толуына орай М.Есламғалиұлы атындағы Сырым аудандық орталықтандырылған кітапхана жүйесінде «Ерлікке – тағзым» атты дөңгелек үстел өтті.
Іс-шараға ауған соғысының ардагерлері Мұрат Айдарханов, Ғаділ Қазиев, аудандық қорғаныс істері жөніндегі бөлімнің бастығы Мұрат Сәрсеев, Сырым колледжінің алғашқы әскери дайындық пәнінің мұғалімі Тельман Исатаев, Қ.Мырзалиев атындағы орта мектептің алғашқы әскери дайындық пәнінің мұғалімі Алмаз Абдрахманов, Сырым колледжінің студенттері қатысты.
Алдымен ауған соғысы туралы бейнебаян көрсетіліп, әндер шырқалды, өлеңдер оқылды.
Дөңгелек үстелге қатысушылар ауған соғысының ардагерлеріне сұрақтар қойды. От пен оқтың ортасынан оралған оғландар естеліктерімен бөлісіп, ерліктің үлгісі екендіктерін дәлелдей түсті.
Шынар Молданиязова,
Сырым ауданы
zhaikpress.kz
