Жаңақазан ауылы тұрғындары атынан арнайы физиотерапия кабинеті ашылуын сұраған өтініштерді ескере отырып, аудандық аурухана басшысы Е.Сәрсенғалиевтің ұйымдастыруымен Жаңақазан ауылында физиотерапия кабинеті іске қосылды.
Қолжетімді медицина бағытын қалыптастыру мақсатында жасалған шаралардың бірі физиотерапия кабинетін ашудағы басты мақсат - науқастың емделу кезінде және емделуден кейін қалпына келтіруді барынша жақсарту.
Бірқатар ауруды дер кезінде диагностикалау үшін жүйелі профилактикалық тексерулердің маңызы зор. Ауруды емдеуден алдын алу оңай екені белгілі. Дәл осы орайда аталған ем-шараны дәрігер тағайындаған жағдайда ауыл тұрғындары ауданда апталап жатпай-ақ өз үйінен алып жүру мүмкіндігі жасалды.
zhaikpress.kz
