Жаңақала ЖОББМ-ның 8-сынып оқушысы Қарақат Сапаш республикалық «IQANAT» олимпиадасының грант иегері атанды.
Байқау үш кезең бойынша өтті. Аудандық, облыстық кезеңдерде оза шапқан Қарақат Астана қаласында өткен республикалық кезеңде жүйріктер қатарынан көрінді. Таңдау пәні химия бойынша ұстазы Ғазиза Бекжанқызы дайындады. Республикалық «IQANAT» білім беру қоры жыл сайын ауыл мектептеріндегі дарынды, қабілетті оқушыларды өз қатарына жинап келеді.
- IQANAT – мүмкіндіктер мекені. Байқау маған IQANAT мектебінде оқуға мүмкіндік берді. Бұл грантты тиімді пайдалананып, болашақта арманымдағы университетке түсемін деген сенімдемін, - деді Қарақат Сапаш.
Дилназ Дидарқызы,
Жаңақала ауданы
