Тасқын кезінде қойылған бөгеттер желмен ұшып, ауыл сәнін құртатыны жасырын емес. «Жасыл ел» жасағы да алғашқы жұмысын Подстепный ауылындағы қапшықтарды тазалаудан бастады.
Ал енді «Таза Қазақстан» акциясы аясында «Таза жағалау» кезеңі Қабылтөбе ауылында жалғасын тауып, «Жасыл ел» сарбаздары мен Теректі ауылдық округі әкімі аппаратының қызметкерлері Жайық өзенінің аумағындағы су тасқынынан қалған бөгеттердің қалдық қаптарын жинады.
Айта кетейік, акция жай өтіп жатқан жоқ. Апта сайын тазалық үшін ұмтылған теректіліктерді көреміз. Жастарға дұрыс жол сілтеп, жұмыла еңбек еткен ауылдық округ әкімдігінің қызметкерлері де жараған екен.
Ақтілек Әлібек
Теректі ауданы
