Қазіргі таңда барберинг – тек шаштараз қызметі емес, бұл – өзіндік даралық пен шығармашылықты талап ететін өнер түрі. Осы салада еңбек етіп жүрген кәсіби маман, барбер Берік Қайырша – ауыл жастарына үлгі боларлық азаматтардың бірі. Ол заманауи стиль мен ұлттық ерекшелікті үйлестіре отырып, әр клиентінің бейнесіне сай ерекше образ қалыптастырады.
Бүгін Алма Оразбаева мектебінде Берік Қайырша өзінің кәсіби тәжірибесімен бөлісіп, бұл саланың ерекшелігі, даму жолы, шеберлікке жетудің қыр-сыры жайлы әңгімеледі. Ол өз сөзінде әр клиенттің бейнесі мен талғамына қарай икемделіп, тек сәнді емес, ыңғайлы әрі үйлесімді образ қалыптастырудың маңыздылығын атап өтті.
«Шаш қию – жай жұмыс емес, бұл – шығармашылық. Әр адамның бет пішіні, стилі, талғамы әртүрлі. Сол себепті әрбір жұмысқа жеке көзқараспен қараймын», – дейді Берік Қайырша.
Ол тек шаш қиюмен ғана шектелмей, заманауи барберингтің түрлі әдістерін меңгеріп, жастарға шеберлік сабақтарын өткізіп келеді. Тәжірибесін ұдайы жетілдіріп, сән әлеміндегі жаңалықтарды қалт жібермейтін барбер – ауыл жастары үшін үлгі боларлық азамат. Өзінің жұмысында тек классикалық стильдермен шектелмей, креативті образдар жасауға да ден қойған. Сондай-ақ, жасөспірімдер мен жастарға бағыт-бағдар беріп, өз кәсібін сүюге үйретіп жүр.
Берік Қайырша — ауыл ішінде сұлулық пен талғамның дамуына үлес қосып келе жатқан, қайшыны өнер құралына айналдырған шебер.
Гүлнұр Бөлешова,
Казталов ауданы
