Биыл Жәнібек аудандық мұсылмандар мешітінің негізі қаланғанына 30 жыл толып отыр.
1993 жылы сол кезде аудан әкімі болған Самиғолла Оразовтың тікелей басшылығымен және аудандық мұсылмандар қоғамының төрағасы Зұлпықар Әбдрешевтің қолдауымен мешіт құрылысы басталып, 1995 жылдың аяғында пайдалануға берілген. Атаулы датаға орай жүрегі кең, жомарт жан мешітке құны 1 млн 500 мың теңге көлемінде тұратын аспалышамды сыйға тартты. Алла қаласа, 28 шамы бар хрустальді аспалышам 100 шаршы метр жерді жарықтандыратын болады.
Үлкен сый жасаған, есімін жасыруды өтінген қайырымды жанға мешіттің бас имамы Есенболат қажы Абуғалиев өз алғысын білдіруде.
Гүлзара Мәди,
Жәнібек ауданы
