Халқының ыстық ықыласына бөленген, Ақсуат ауылдық округі бойынша ардагерлер кеңесінің төрағасы Қаламдар Исмақов 75 жасқа толды. Осы орайда аудан әкімі Тілек Габдушев мерейтой иесін құттықтап, жылы лебізін арнады.
Қаламдар Ғайсаұлы еңбек жолын 1971 жылы Амангелді колхозының машина, трактор шеберханасының меңгерушісі болып бастаған. 1976-1980 жылдар аралығында Трудовик совхозында бөлім меңгерушісі қызметін атқарды. Ал 1980 жылдан бері Ақсуат ауылының дамуына үлес қосты. 2021 жылдан бастап Ақсуат ауылдық округі бойынша ардагерлер кеңесінің төрағасы болып сайланды. Ол кісінің ауыл шаруашылығы саласы ардагері медалінің иегері екенін айта кеткен жөн.
Емен-жарқын жүздесу барысында Қаламдар аға құттықтай келген баршаға алғысын жаудырды.
Айшабибі Мәмет,
Теректі ауданы
zhaikpress.kz
