1-3 қараша күндері Атырау қаласындағы «Жайық» спорт кешенінде дзюдодан «MAGAUIYA Open Cup-III» жасөспірім ұлдар мен қыздар арасында ашық республикалық турнир өткен болатын.
Жарысқа Қырғызстан, Ресей және еліміздің облыстары мен үш қаласынан 1 500-ге тарта жас палуан қатысып, бақ сынады.
Атаулы республикалық турнирге Батыс Қазақстан облысы атынан күрескен Қаратөбе ауданы Саралжын ауылының жас өрендері де өз деңгейлерінде күресті.
Аталмыш турнирдің қорытындысында 2014-2015 жылы туған ұлдар арасында 21 келі салмақ дәрежесінде Еленбай Ерназар ІІІ орынды, 38 келі салмақта белдескен Нәсіпқали Мереке жүлделі ІІ орынды иеленіп, Мұхит елінің мерейін үстем етті.
– Барша шәкірттерімнің ата-аналарына және осы жарысқа қатысуға қолдау көрсеткен Артур Қойшығұлұлына, Қаратөбе аудандық мәдениет, тілдерді дамыту, дене шынықтыру және спорт бөлімінің басшысы Мәулен Аманшаұлына, Саралжын ауылдық округі әкімі Самғат Серікұлына алғысымыз шексіз, – дейді «Қаратөбе» спорт клубының әдіскері, Саралжын күрес мектебінің бапкері Ертілеу Ерғожин.
Ерболат Райсов
Қаратөбе ауданы
