Теректі ауданына «Қызмет» БҚО мемлекеттік, банк мекемелері және қоғамдық қызмет көрсету қызметкерлері салалық кәсіподағының төрағасы Серік Сүлеймен келді.
Аудан басшысы Әлия Мұханбетжанова төрағалық еткен жиынға атқару комитеті мүшелері қатысты. Күн тәртібінде аудандық кәсіподақ ұйымының төраға орынбасарын сайлау туралы қаралды. Аудан басшылығының ұсынысымен, комитет мүшелерінің қолдауымен ұйым төрағасы болып аудан әкімінің орынбасары Дамир Ғұмаров тағайындалды.
Сондай-ақ жиын барысында ҚР Кәсіподақтар күні мерекесіне орай бірқатар белсенді қызметкерге алғысхат табысталды.
Аталмыш қоғамдық бірлестіктің алғысхаты Ақжайық ауылдық округі әкімі Болат Қадырғалиевке, «Белсенді қызметі үшін» төсбелгісі аудандық жұмыспен қамту және әлеуметтік бағдарламалар бөлімінің басшысы Арайлым Тасеноваға берілді.
Сонымен қатар Ақсоғым ауылдық округі аппаратының бас маманы Саясат Нуменов, Приречный ауылдық округі аппаратының бас маманы Рахима Байғасиева, Теректі ауданы әкімі аппаратының іс жүргізушісі Назгүл Сариева, аудандық сәулет, қала құрылысы және құрылыс бөлімінің бас маманы Азамат Сисенов, аудандық балалар-жасөспірімдер спорт мектебінің психологі Жанат Какиева «Құрмет» грамотасымен марапатталды.
Балнұр Қанаева,
Теректі ауданы
zhaikpress.kz
