«Самғау» коворкинг орталығында жастар ресурстық орталығы мен «Намыс» жастар қоғамдық бірлестігінің ұйымдастыруымен алғаш рет «Қазақша Quiziziz» интелектуалдық сайыс өтті. Аталмыш шараға 5 команда қатысып өзара бақ сынады. Оның ішінде аудан әкімдігі, аудандық білім бөлімі, кітапхана және аудандық аурухана мен «Екпін» газетінің командалары болды. Әр команда, кіріспе, кино және музыка, логика, мақал-мәтел, нар тәуекел тақырыптарында 7 сұрақтан тұратын 5 тур бойынша сынға түсті.
Шараның мақсаты жастар арасында зияткерлік сайыстарды насихаттау және тез ойлау жылдамдық қабілеттерін дамыту болатын.
Жалпы қорытынды бойынша аудандық кітапхана атынан шыққан «Тhe best» құрама командасы жүлделі орынды жеңіп алса, II орынды аудандық «Екпін» газетінің командасы иеленді. Ал III орынға аудандық білім бөлімінің «Ойөріс» құрама командасы ие болды.
Сайыс жеңімпаздары алғыс хат және сыйлықтармен марапатталды.
Назгүл Жәрдем,
Тасқала ауданы
zhaikpress.kz
