Қазақстан Республикасының 2015 жылғы 23 қарашадағы «Қазақстан Республикасының мемлекеттік қызметі туралы» Заңының 27-бабының 5-тармағына, 30-бабының 1-тармағына сәйкес Батыс Қазақстан облысы әкімі аппаратының конкурстық комиссиясы мәжілісінің (қорытынды мәжілісінің) 2024 жылғы 6 тамыздағы хаттамасы негізінде Казталов ауданы әкімінің 2024 жылғы 8 тамыздағы өкімімен Казталов ауданы әкімінің орынбасары лауазымына Серік Кайрлиев тағайындалды. Бұл жөнінде Казталов ауданы әкімдігінің баспасөз қызметі хабарлады.
Серік Ерболатұлы 1986 жылы Батыс Қазақстан облысының Ақжайық ауданы, Құралысай ауылында дүниеге келген.
Білімі – жоғары. 2007 жылы М.Өтемісов атындағы Батыс Қазақстан мемлекеттік университетін «Халық аспаптарында орындаушы – домбыра» мамандығы және 2017 жылы Қазақстан инновациялық және телекоммуникациялық жүйелер университетін «Мемлекеттік және жергілікті басқару» мамандығы бойынша тәмамдаған.
Еңбек жолын 2006 жылы Батыс Қазақстан облыстық мәдениет басқармасының Ғ.Құрманғалиев атындағы облыстық филармония артисі қызметінен бастаған.
2010-2011 жылдары Батыс Қазақстан облысы Орал қаласы мәдениет және тілдерді дамыту бөлімінің «Қалалық мәдени ағарту бірлестігі» МКҚК «Алау» аула клубының жетекшісі;
2011-2012 жылдары Батыс Қазақстан облысы Орал қаласы мәдениет және тілдерді дамыту бөлімінің «Жастар мәдениет үйі» МКҚК-нің «Оралым» фольклорлық ансамблінің артисі;
2012-2013 жылдары Батыс Қазақстан облысы Орал қаласы мәдениет және тілдерді дамыту бөлімінің «Қалалық мәдени-ағарту бірлестігі» МКҚК көркемдік жетекшісі;
2013 жылдың наурыз-мамыр айлары Батыс Қазақстан облысы Орал қаласы мәдениет және тілдерді дамыту бөлімінің «Жастар мәдениет үйі» МКҚК көркемдік жетекшісі;
2013-2016 жылдары Батыс Қазақстан облысы Орал қаласы мәдениет және тілдерді дамыту бөлімінің «Мәдени-ағарту бірлестігі» МКҚК директоры;
2016-2019 жылдары Батыс Қазақстан облысы Орал қаласы мәдениет және тілдерді дамыту бөлімінің «Жастар мәдениет үйі» МКҚК директоры;
2019 жылдың қыркүйек айынан бастап Батыс Қазақстан облысы Орал қаласының мәдениет және тілдерді дамыту бөлімінің басшысы қызметін атқарды.
Жанұялы. Отбасында жұбайы, екі ұл және екі қызы бар.
