Бүгін Жалпақтал ауылдық округінің әкімі Ғаділбек Әлібеков Орал футбол ассоциациясының ұйымдастыруымен футзалдан «Орал қысы U–14» жарысында жүлделі І орын алып, чемпион атанған Жалпақтал БЖСМ командасының мүшелерін қабылдады.
Облыстық маңызы бар жарыста тамаша ойын көрсеткен команда мүшелері мен олардың жаттықтырушысына ауылдастары атынан Aлғысхат ұсынған Ғаділбек Әлібекұлы жас өрендерге алдағы ойындарда да сәттілік тіледі.
Айта кетсек, Орал қаласында өткен дүбірлі додада жерлес футболшыларымыз І-орын жеңіп алып, Жұмагелді Абзал жарыстың «Үздік ойыншысы», Мендешов Жомарт жарыстың «Үздік жаттықтырушысы» атанып, үздіктер қатарынан табылған болатын.
Команда мүшелері жарысқа қатысуға қолдау көрсеткен ата-аналарына және демеушілік жасаған Абуов Асылбек ағаларына шынайы алғысын білдірді.
Қыдыр Харесұлы,
Казталов ауданы
zhaikpress.kz
