Қазақстан Республикасының 2015 жылғы 23 қарашадағы «Қазақстан Республикасының мемлекеттік қызметі туралы» Заңының 15-бабының 4-тармағына және Қазақстан Республикасы мемлекеттік қызмет істері агенттігінің БҚО бойынша департаментінің 2024 жылғы 29 мамырдағы келісіміне сәйкес Казталов ауданының мәдениет және тілдерді дамыту бөлімінің басшысы лауазымына Ернар Аққалиұлы Ильясов тағайындалды.
Жаңадан тағайындалған басшыны ұжымға Казталов ауданының әкімі Асланбек Сарқұлов таныстырып, Ернар Аққалиұлының алдағы жұмысына сәттілік тіледі.
Ернар Аққалиұлы Ильясов 1981 жылы Батыс Қазақстан облысы Казталов ауданы Қошанкөл ауылында дүниеге келген. 2001 жылы Ж.Досмұхамедов атындағы Орал педагогикалық колледжін «Қазақ тілі мен әдебиеті» мамандығы бойынша бітірген. 2001-2004 жылдары аралығында М.Өтемісов атындағы Батыс Қазақстан мемлекеттік университетін «Қазақ тілі мен әдебиеті» мамандығы бойынша тамамдаған.
Еңбек жолын 2001 жылы Казталов ауданы Қошанкөл ауылдық округінің Ғали Беғалиев атындағы орта жалпы білім беретін мектебінде қазақ тілі мен әдебиеті пәнінің мұғалімі болып бастады.
2009 - 2011 жылдары Ғали Беғалиев атындағы орта жалпы білім беретін мектебінің оқу ісінің меңгерушісі;
2011-2012 жылдары Ғали Беғалиев атындағы орта жалпы білім беретін мектебінің қазақ тілі мен әдебиеті пәнінің мұғалімі;
2012-2020 жылдары Ғали Беғалиев атындағы орта жалпы білім беретін мектебінің директоры;
2020 жылдың маусым айынан бастап күні бүгінге дейін Қошанкөл ауылдық округінің әкімі қызметін атқарып келді.
Отбасында жолдасы екеуі 5 бала тәрбиелеп отыр.
Қайрат Жақып,
Казталов ауданы
