Казталов ауданындағы Алма Оразбаева атындағы орта мектебінде «Жас дарын – 2024» үздіктерді марапаттау салтанаты өтті.
Аталған іс-шараға аудан әкімі Асланбек Сарқұлов, аудандық ішкі саясат бөлімінің басшысы Айша Әбішева, аудандық білім беру бөлімінің басшысы Самал Жангереева, аудандық аналар кеңесінің төрайымы Күнсұлу Шаканаева қатысты.
Ұстазы жақсының – ұстамы жақсы. Әрдайым балалар жанынан табылып, шәкірттерінің биіктен көрінуіне өз уақыттарын аямайтын ұстаздар қауымы екені баршамызға мәлім. Ауданда өркениетті қоғам дамуына, өзгеруіне өз үлесін қосып, ұстаздарының үмітін арқалаған, білімді, қабілетті оқушыларымыз аз емес.
Іс-шараның бірінші бөлімінде ғылыми жоба жеңімпаздарының жұмыстары таныстырылды. 2023-2024 оқу жылында халықаралық,республикалық, облыстық түрлі білім мен ғылым саласында жетістікке жеткен оқушыларды аудан әкімі Асланбек Ахметоллаұлы, аудандық білім беру бөлімінің басшысы Самал Қанапияқызы, аудандық аналар кеңесінің төрайымы Күнсұлу Шаканаева марапаттады.
Ұлы ақыны Абай “Тегінде адам баласынан ақыл, білім, ар, мінез қасиеттерімен озады”, - деп бекер айтпаса керек. Кеш барысында жүлделі орын иеленіп жүрген оқушылармен “Армандар орындалады, мақсатың айтқын болса” сыр-сұхбат жүргізілді. Сонымен қатар кеш қонақтарына балалық шақтағы естеліктері, жұмыс барысында кездескен қызықты сәттері туралы сұрақтары сұрақтар қойылып, әдемі сұхбат өрбіді.
Салтанатты шара Казталов балалар музыка мектебінің оқушыларының концерттік бағдарламасымен ұласты.
Гүлнұр Бөлешова,
Казталов ауданы
