Қазталов ауданы іргелес жатқан Ресейдің Саратов губерниясы Александров-Гай ауданымен тығыз байланыста.
26 тамызда Александров-Гай ауданының құрылғанына 44 жыл толуына орай фестиваль ұйымдастырылды. Шекарада орналасқан аудандардың II-ші «Созвездие» фестиваліне Қазталов ауданының делегациясы да қатысып қайтты.
Шараға Саратов губерниясының Новоузен, Питерск аудандарының өкілдері де қатысқан болатын.
Фестиваль аясында Саратов губерниясының Александров-Гай, Новоузенск, Питерск және Қазталов аудандары арасындағы сауда-экономикалық және мәдени байланыс туралы келісімге қол қойылды.
Сонымен қатар фестиваль төрінде аудан өнерпаздары әннен шашу шашса, спортшылар өзара бақ сынасты.
Қайрат ЖАҚЫП
Қазталов ауданы
zhaikpress.kz
