Жуырда Сәтбаев қаласында өткен "Ұлытаудан қанат қаққан Тайжан" атты IV республикалық дәстүрлі әншілер байқауынан жерлесіміз, дәстүрлі әнші Кенесары Болғанбаев жүлдемен оралды.
Байқаудың бірінші кезеңінде ол Тайжан Қалмағамбетовтың "Сақ-сақ", "Нартайдың термесі", Үкілі Ыбырайдың "Қалдырған" әндерін орындады. Ал екінші кезеңде "Жігіттер", М.Мералыұлының "Көкайдай", халық әні "Ақсұнқарды" шырқады. Сөйтіп екі кезеңнен тұрған байқаудың алғашқысынан сүрінбей өтіп, 13 үздіктің қатарына кірді.
- Бұл байқауға қатысуыма танымал әнші, Қазақстанның еңбек сіңірген қайраткері Хатимолла Бердіғалиев пен жетекшім, белгілі әнші, термеші Қайрат Кәкімов мұрындық болғаны үшін оларға алғысымды білдіремін, – дейді Кенесары Асхатұлы.
Бәйтерек ауданы
