Оян және Амангелді ауылдарында «AMANAT» партиясы облыстық филиалының кезекті мобильді қабылдауы өтті.
Қабылдауға «AMANAT» партиясыныңБҚО филиалы қоғамдық қабылдау бөлімінің меңгерушісі Гаухар Шайхиниязова, «AMANAT» партиясы Батыс Қазақстан облыстық филиалының депутаты Нұртай Жұмашев, облыстық білім басқармасының бас маманы Самиғолла Сүлейманов, аудандық мәслихат төрағасы Жанар Бисенғалиева, «AMANAT» Тасқала аудандық филиалы төрағасы Люция Жұбанышқалиева, ауыл тұрғындары қатысты.
Алдымен мобильді қабылдау өкілдері Оян ауылында жүрігізіліп жатқан жол жөндеу жұмыстарының барысымен танысты. Айтып өтсек, Оян ауылы Тасқала ауданынан шалғай орналасқан ауылдардың бірі. Былтыр аудан әкімдігімен тиісті сала басқармаларына бюджеттік өтінімдер жолданып, жол жөндеуге қаражат бөлінді. Жоба 2022-2024 жылдары жүзеге асырылады. Мердігер мекеме ретінде мемлекеттік сатып алу конкурсы нәтижесінде «Асфа» ЖШС-і анықталды. Мердігер мекеме 2022 жылы құрылысына қажетті материалдарды жеткізіп, сәуір айында құрылысты бастап кетті. Қазіргі уақытта жол негізін дайындау жұмысы жүргізіліп жатыр.
Одан әрі ауылдық округтің мәдениет үйінде мобильді қабылдау ұйымдастырылды. Мобильді қабылдау мүшелеріне жолыққан ауыл тұрғындары жеке сауалдарын қойып, жауаптарын алды.
Болатбек Сапарғалиев,
Тасқала ауданы
zhaikpress.kz
