Казталов ауданына қарасты Ақпәтер ауылдық округіне қарасты Кіші Талдықұдық елді мекеніне «Beeline» ұялы байланыс желісі орнатылып, жергілікті халық игілігін көруде.
-Ұялы байланыс желісінің алақандай ауылға қосылуы тұрғындарды қатты қуантты. Кіші Талдықұдықтық тұрғындар «Beeline» байланыс мұнарасын орнатуға күш салған аудан әкімдігі мен ұялы байланыс қызметкерлерінің барлық мамандарына шексіз алғысын білдіреді, - дейді шалғайдағы ағайын-туыстарымен хабарласып, ұялы байланыс жүйесін еркін пайдалануға қол жеткізген ауыл тұрғыны, «Шұғыла» шаруа қожалығының жетекшісі Тимур Нұрманов.
Қыдыр Харесұлы,
Казталов ауданы
