Сырым ауданына қарасты Алғабас ауылдық округіндегі М. Қаналиев атындағы орта мектептің жанындағы «Экоқорғаушылар» тобы жылдың төрт мезгілінде Аңқаты жағалауын тазалап тұрады.
Жаңа оқу жылы басталысымен топ өз жұмыстарына кірісті, - деп хабарлайды мектеп тәлімгері Нұрболат Жұмағазиев.
Оқушылар сабақтан бос уақыттарында Аңқаты өзені жағалауындағы қалдық заттар, пластикалық құтылар, қағаздарды жинап Орал қаласындағы эко-пунктке тапсырды. Қалдық заттан тапқан аз болса да берекелі ақшаға бастауыш сынып оқушыларына оқуға қажетті құралдар алып береміз деп келісті табиғат сақшылары.
Бауыржан Ширмединұлы
Сырым ауданы
