№355 сайлау учаскесіне келіп, өз дауыстарын беріп жатқан ағайынның қарасы қалың. Жас буын өкілдерімен қатар бар шаруасын ысырып, маңызды сәтке үн қосқан қариялар да баршылық.
Теректі ауданы Құмақсай ауылдық округінің әкімін таңдауда қапы қалғысы келмейтін Әжіғали Ахмадиев өзінің жары София Қадырғұловамен келді.
– Ауыл әкімін сайлау – бұл тек әкімді таңдау ғана емес, ауыл өмірінің сапасын жақсартуға жасалған қадам. Әрбір дауыс маңызды және елдің болашағына әсер ететінін ұмытпау қажет. Белсенді түрде қатысып, өз таңдауыңызды жасаңыздар,- деді Әжіғали қария.
Комиссия төрағасы Ержан Құлниязов болса, көрегенділік танытқан ақсақалға ризашылығын білдіріп, естелік сыйлық берді.
Ақтілек Әлібек,
Теректі ауданы
