Бүгін «Тәуелсіздік» саябағында Құрбан айт мерекесіне арналған «Құрбан айт – ұлық мереке» атты көпшілік шара өтуде. Аудандық мешітте айт намазымен бастау алған игі шара «Тәуелсіздік» саябағында құрбандыққа мал шалыну және спорттық ойындармен жалғасын табуда.
Алдымен сахна алдында ауданымыздың болашақ қариы Тілекжан Есенғабыл құран бағыштады. Одан әрі аудандық мешіттің бас имамы Жомарт Лұқпанов сөз алып, барша мұсылман қауымды қасиетті мерекемен құттықтады.
Ұлттық спорт сүйер қауым гір тасын көтеру, арқан тартыс, табан тартыс, қой көтеру, садақ ату сынды ойындарды бастап кетті.
Райхан Хамзина,
Жаңақала ауданы
zhaikpress.kz
