Жаңақала ауданындағы футболдан ашық турнирде Ақжайық (Үштөбе), Казталов, Бөкей Орда (Бисен), Бөкей Орда (Ақбөрлі), Кілем Сервис, Жаңақала №1, Жаңақала №2 командалары да аудандық спорт кешенінде жеңімпаздар қатарынан көрінуге барын салып, бәсекелі ойын өрнегін көрсетуде.
Алдымен Жаңақала №1 және Ақжайық (Үштөбе) команда ойыншылары футбол алаңына шығып, Жаңақала №1 командасы 5:0 ұпаймен ұтты.
Келесі ойында Бөкей Орда (Бисен) ойыншылары Казталов командасына есе жіберіп, 1:0 ұпаймен жеңіліс тапты.
Бөкей Орда (Ақбөрлі) футболшылары Жаңақала №2 командасын 4:1 ұпаймен жеңіп, алға шықты.
Сондай-ақ Жаңақала №2 ойыншыларын Кілем Сервис командасы да 5:1 ұпаймен басып озды.
Ашық турнир әлі де жалғасуда. Көп кешікпей ойын қорытындысы да белгілі болады.
Н.Дүйсенбаева,
Жаңақала ауданы
zhaikpress.kz
