Соңғы екі-үш күнде қар еріп, жылғалай басталды. Сондықтан, қар суы басуы мүмкін ауылдарда қар шығару, су жүру жолын тазалау қарқын алды.
Бұл шаралар жөнінде Теректі ауданының төтенше жағдайлар бөлімі “Төтенше жағдайларды болдырмау мақсатында 7-8 наурыз күндері Теректі және Жаңа Өмір ауылдарында қар шығарылды. Богдановка ауылы маңындағы тоғанда су бұру жұмыстары атқарылды” - деген мәлімет берді.
“Құрметті аудан тұрғындары!
Қар еруі және қызыл судың қауіпсіз өтуі үшін азаматтық қорғау қызметті күшейтілген тәртіпте жұмыстануда. Егер елді мекенде су басу немесе тасқын байқалса, дүрбелеңге түспеңіз. Ең алдымен қауіпсіздік шараларын қабылдап, *112* нөміріне хабарласуыңыз сұралады” дейді төтеншеліктер.
Тамара Жұмат,
Теректі ауданы
