Бөкей ордасы ауданы әкімінің өкімімен Бөкей ордасы аудандық мәдениет, тілдерді дамыту, дене шынықтыру және спорт бөлімінің басшысы қызметіне Данагүл Ғайнуллина тағайындалды.
Аудан әкімі Нұрлыбек Даумов жаңа бөлім басшысын таныстырып, жұмысына сәттілік тіледі.
Данагүл Ғайнуллина 1983 жылы дүниеге келген. Білімі - жоғары. Қос бірдей мамандығы бар. 2004 жылы М.Өтемісов атындағы Батыс Қазақстан мемлекеттік университетін «Биология және химия» мамандығы бойынша, 2009 жылы Қазақстан ақпараттық технологиялар және басқару институтын «Есеп және аудит» мамандығы бойынша тәмамдаған.
Алғашқы еңбек жолын Жәңгір хан атындағы мектепте мұғалім болып бастаған.
Әр жылдары аудандық ішкі саясат, мәдениет және тілдерді дамыту бөлімінің бас маманы, «Д.А.Қонаев атындағы ашық жинақтаушы зейнетақы қоры» АҚ менеджері, аудандық ішкі саясат бөлімінің жетекші маманы қызметтерін атқарған.
Бүгінгі күнге дейін Бөкей ордасы ауданы мәдениет, тілдерді дамыту, дене шынықтыру және спорт бөлімінің бас маманы болып абыройлы қызмет етті.
Ақсәуле Әлжанова,
Бөкей ордасы ауданы
zhaikpress.kz
