Жаңақала ауданының Мәстексай ауылында жас кәсіпкер Мейрам Кенжебеков «Қамыс Самар» кешенін іске қосты. Кешеннің ішінде халықтың сұранысымен жасалған монша мен дәмхана бар.
Жас кәсіпкер бұл кешенді үкіметтен ешқандай қаражат алмай-ақ,өз күшімен салып, халық игілігіне ұсынып отыр. Өткен жылы ауылда автокөлік жуатын орталық ашып, елге тарту еткен Мейрам Кенжебекұлының бұл – туған ауылы үшін жасап отырған екінші ауқымды жобасы.
«Мал шаруашылығымен айналыса отырып, туған жеріме перзенттік көмегімді көрсетемін деген мақсаттарым бар еді. Сол ойларымды біртіндеп жүзеге асырып жатырмын. Ауыл адамдарына жақсы жағдай жасаймын деген ойларымның жемісі», - дейді Мейрам.
Рая Жұмағалиева
Жаңақала ауданы
