Қазақстанда Наурызнама онкүндігі жалғасуда. Осы орайда ұрпақ жалғастығы мен ананың қасиеттілігі, сүйіспеншілік, сыйластық, сенім мен өзара көмек сынды отбасылық құндылықтарды насихаттау мақсатында 17 наурыз – Шаңырақ күні боп бекітілген болатын. Шаңырақ атауы бекер емес. Қазақ мәдениетінде бұл – тірек, амандық, қауіпсіздікпен және отбасымен байланысты қасиетті нысан.
Бүгін Жаңақала ауданына қарасты Жаңақазан ауылдық мәдениет үйінде "Шаңырақ – шағын отаның" деген атаумен өнеге кеші өтті.
Шараға аталмыш ауылдың шаңырақ көтергендеріне 25 жыл, 50 жыл болған алтын той, күміс той иелері мен ақжаулықты әжелереміз қатысып, өмір өткелдерінен сыр шертіп, ақыл-кеңестерімен бөлісті.
Айзада Ақбасова,
Жаңақала ауданы
