Бүгін Орал қаласында облыстық дене шынықтыру және спорт басқармасы мен облыстық ардагерлер ұйымының ұйымдастыруымен зейнет жасындағы ардагерлердің IV облыстық спартакиадасы өткен болатын.
Казталов ауданының намысын қорғап, облыстық додада сайысқан ардагерлер жақсы нәтижеге қол жеткізді.
Орал қаласы мен 12 ауданнан жиналған ардагерлер арасында казталовтық ардагерлер волейбол, шахмат, дойбы, тоғызқұмалақ, үстел теннисі сынды спорт түрлеріне қатысып, командалық есепте жүлделі ІІІ орынды жеңіп алды. Ал жекелеген спорт түрлері бойынша дойбыдан Марат Тоясов ІІІ орын алса, Хайырбай Алтаев шахматтан жүлделі ІІ орынды өз қанжығасына байлады.
Намысты қолдан бермеген ардагер спортшылар спартакиада ұйымдастырушылары атынан медаль, алғысхат және ақшалай сыйлықпен марапатталды.
Қайрат Жақып,
Казталов ауданы
