Батыс Қазақстан облысы әкімдігі білім басқармасының аудандық білім беру бөлімінің жас туристер станциясы КММ-нің ұйымдастыруымен «Тәуелсіздік» саябағында оқушылар арасында Жаңақала аудандық «Шаңғы бағдар – 2022» атты спорттық бағдарлау жарысы өткізілді.
Сайыстың мақсаты – спорттық бағдарлауды насихаттау, бұқара халықты салауатты өмір салтын қалыптастыруға тарту, жаттықтырушылар мен спортшылардың біліктілігін арттыру, облыстық құрамаға үздік спортшыларды анықтау. Жарысқа барлығы қатысу керек 14 команданың ішінен 10 команда қатысты. Жарыс екі қашықтық бойынша оздырылды.
«Спринт» қашықтығы бойынша 11 жас ұлдар арасында Ақтілек Кәкім (Жаңақала ЖОББ мектебі) І орын алса, 11 жас қыздар арасында Іңкәр Болатқызы (№3 ЖОББ мектебі) жеңімпаз атанды. 13 жас ұлдар арасында Рауан Нұрболат (Карманов МББ кешені) жеңімпаз атанса, осы жастағы қыздар арасында Гүлхан Сапарғалидің (С.Меңдешев ЖОББ мектебі) бағы жанып, І орынға ие болды. 15 жас ұлдар арасында Манарбек Ердәулет (Жаңақала ЖОББ мектебі) қарсыластарының бәрінен озып, жеңістің ең биік тұғырынан көрінсе, осы жастағы қыздар арасында Регина Хайруллина (Жаңақала ЖОББ мектебі) І орынды иеленді. 17 жас ұлдар арасында Нұрбол Түсіпқали (Карманов МББ кешені) жеңімпаз атанса, осы жастағы қыздар арасында Айнара Ермекқалиева (№3 ЖОББ мектебі) қарсыластарын басып озып, жеңімпаз атанды. «Орта» қашықтығы бойынша 11 жас ұлдар арасында Мұрагер Қауыс (М.Жүнісов ЖОББ мектебі) пен 11 жас қыздар арасында Кәусар Қуаныш (№3 ЖОББ мектебі) І орын алды. 13 жас қыздар арасында Гүлназ Дүйсенбай (Жаңақала ЖОББ мектебі) қарсыластарына дес бермей, мәре сызығын бірінші боп кесті. 15 жас ұлдар арасында Ерген Саменов (М.Жүнісов ЖОББ мектебі) жеңімпаз атанса, осы жастағы қыздар арасында Жансая Серікбол (Жаңақала ЖОББ мектебі) қарсыластарынан оқ бойы озық болды. 17 жас ұлдар арасында Айхан Мұсаев (Карманов МББ кешені) өзгелерден басым болды. Жеңімпаздар мен жүлделі орындарға ие болған оқушылар жас туристер станциясы КММ-нің алғыс хаттарымен марапатталды.
Райхан Хамзина,
Жаңақала ауданы
zhaikpress.kz
