Қазталов ауданы орталығындағы Алма Оразбаева атындағы мектептің алғашқы әскери дайындық пәні мұғалімі Саясат Ахметқалиұлы мен 7-сынып оқушылары «Казталовка» шекара заставасына барып, олардың жұмысымен танысты.
«Казталовка» шекара заставасы бастығының орынбасары, лейтенант Райымбек Сейтқан заставаның тыныс-тіршілігімен таныстырды. Оқушылар шекара отрядының қызметке тағайындалуы мен Қазақстан Республикасының мемлекеттік шекарасын күзетуге бұйрық алу сәттерінің куәсі болды.
Бұл іс-шара өскелең жас ұрпақтың еліне, жеріне деген патриоттық сезімін күшейту мақсатында өткізілді. Алдағы уақытта аталмыш шара жалғасын таба бермек.
Диана Бақсық
Қазталов ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
