Қазағымның қанына сіңген күйшілік өнерді насихаттауға зор үлес қосып жүрген Бөкей ордасы аудандық саз мектебінің талантты шәкірттері ел көлемінде ұйымдастырылатын байқауларда әрдайым топ жарып келеді.
Бұл әлбетте, балғындарды домбыра аспабына баулып қана қоймай, қоңыр күйдің құдіретіне бөлей білген білікті оқытушылардың ерең еңбегі екендігі сөзсіз. Өткен жыл соңында Алматы қаласында өткен «Әр бала - дара бала» атты І республикалық күй сайысында да ордалық өрендер ауданның мерейін тасытып, көрсеткіш қоржынын кезекті жеңіспен толтырды. Нұр-Сұлтан, Талдықорған, Қызылорда, Орал қалаларынан жүзге жуық жас домбырашылар қатысқан осынау дүбірлі додада Нұрдәулет Қайсағали бас жүлдені иемденсе, Нұргелді Еслямғали мен Алан Амангелді бірінші орынды қанжығаларына байлады.
Иә «Өнерліге - өріс кең» деген осы шығар?!
Арайлым Есмағұл
Бөкей ордасы ауданы
zhaikpress.kz
Батыс Қазақстанның маңызды жаңалықтарын біздің
Instagram-дағы парақшамыздан және Telegram арнамыздан алғашқы болып біліңіздер
