Бәйтерек аудандық төтенше жағдайлар бөлімінің қызметкерлері №24, №22 өрт сөндіру бекеттерімен бірлесіп, аудан орталығы мен округтердегі тұрғын үй секторларын аралап, профилактикалық-тексеру жұмыстарын жүргізуде.
Шараның мақсаты - жылыту маусымы кезеңінде өрт қауіпсіздігі ережелерінің сақталуын қадағалау. Бүгінде Калинин, Махамбет, Мичурин, Переметный, Дариян ауылдарында 180 тұрғыны бар 72 үй профилактикалық тексеруден өткен.
-2020-2021 жылғы қысқы кезеңде өрт қауіпсіздігі ережелерін сақтау бойынша жылыту кезеңінде тұрғындар арасында алдын алу және түсіндіру жұмыстарын жүргізген болатынбыз. Тексеріс барысында бірқатар олқылықтар анықталып, ескертулер мен жадынамалар берілді, - дейді Бәйтерек аудандық төтенше жағдайлар бөлімінің инженері, азаматтық қорғау лейтенанты Жанболат Жасталапов.
Аружан Болатбекқызы,
Бәйтерек ауданы
zhaikpress.kz
