Тәуелсіздіктің 30 жылдығына орай Сырым ауданы Алғабас ауылдық округінде отбасылық марафон өтті.
Ұйымдастырушылардың бірі, М.Қаналиев атындағы мектептің тәлімгері Нұрболат Жұмағазиевтің айтуынша, әрбір сынып оқушыларының ата-аналары С.Датұлы көшесінен топтық жүгіруді бастаса, межелі мәре мектептің алдында қорытындыланған.
Сайыс қорытындысында Демеуовтер, Бердіғалиевтер, Қанатовтар, Төлеуiшовтер, Жұбашевтар, Берiкқалиевтер отбасыларын аталмыш мектеп директорының оқу ісі жөніндегі орынбасары Нұржан Мұханбеталиев аудандық білім беру бөлімінің арнайы сыйлықтарымен марапаттады.
Айжан Бауыржанқызы,
Сырым ауданы
zhaikpress.kz
