Су басқан өңірлерге аймақтардан әлеуметтік көмек келіп жатыр. Дәл сондай көмектің бірі Алматы қаласынан Подстепный ауылына жетті.
«Q4 TULPAR» компаниясы өкілдері спорт кешенінде жатқан тұрғындармен кездесіп, халықты азық-түлікпен қамтыды.
Компания жетекшісі Талғат Сақан көмекке зәру өңірлерге көмектесу азаматтық парызым деп біледі.
- Әрқашан қазақтың бірлігі тарқамаған. Сын санағатта елмен бірге екенімізді көрсетіп Алматы қаласынан келген жәйіміз бар. Өткен жолы су басқан Аңқаты ауылының әрбір тұрғынына көмек ұсындық. Президентіміз Қасым-Жомарт Тоқаев та кәсіпкерлерді халыққа көмек көрсетуге шақырған болатын. Сондықтан ел басына күн туғанда шетте қалмай, қолдан келген жәрдемімізді ұсынып отырмыз.
Біз осымен тоқтамаймыз, әлі де апаттан зардап шеккен елді-мекендерге барамыз, - деді компания жетекшісі.
Балнұр Қанаева,
Теректі ауданы,
zhaikpress.kz
