ҚР жаңа Конституциясын қабылдау мәселесі бойынша өткізіліп жатқан республикалық референдумға Бәйтерек ауданының әкімі Марат Тоқжанов қатысты.
Ол Переметный ауылындағы «Шың» драма театрында орналасқан №157 референдум учаскесіне келіп дауыс берді.
Сол кезде өздерінің таңдауын жасап жатқан аудандық «Ақ ниет» халықтық әжелер ансамблінің мүшелерімен көрісіп, «Науырызнама», Амал мекемесімен құттықтады. Бүгін еліміз үшін маңызды күн, референдум — азаматтарға өз пікірін білдіруге және мемлекеттің болашағын айқындайтын шешімдерді қабылдауға мүмкіндік беретін маңызды демократиялық тетік екенін атап өтті.
Әжелер азаматтық жауапкершілік танытып, өз таңдауын жасағандарын айтты.
Айта кетейік, аталмыш референдум учаскесінде 1286 дауыс беретін азамат тірлкелген. Сағат 10-30-дағы жағдай бойынша 29 азамат үйден беру туралы өтініш берген. Учаске төрағасы Юрий Саяпиннің айтуынша, тұрғындар белсенді түрде саяси науқанға қатысуда.
Сәкен Мұратұлы
Бәйтерек ауданы
