Естеріңізге сала кетсек, Бөкей ордасы ауданы бойынша референдум учаскелерде 22 комиссия, сегіз мыңнан астам комиссия мүшесі қызмет етеді. Жаңа Конституцияны қабылдау туралы референдумның учаскелік комиссиялары таңғы 7-ден кешкі 20:00-ге дейін жұмыс істейтін болады.
- Жасыратын ештеңесі жоқ, аға буын өкілдері Кеңес замандағы әдет-дағдыларына сай рауандап атқан күнмен жарысып, дауыс беруге жарысып келуде. Осындай азаматтық белсенділік бүгінгі ұрпаққа жұғысты болса игі еді, - дейді #53 референдум учаскесінің төрағасы Қуаныш Елемесов.
Айтса айтқандай, сексеннің бесінші белесіне аяқ басқан Мағзомова Тамара әжеміз өз аяғымен келіп, таңдауын жасады.
Нұрмұханбет, Ағила Өтегеновтер де елең-алаңнан ерте келгендердің бірі. Нұрмұханбет ағамыздың көру қабілеті кем, үйден отырып та дауыс беру мүмкіндігіне ие. Бірақ ағамыз жұбайының жетелеуімен өз аяғымен келіп, таңдауын жасады.
Бұл ерлі-зайыптылар газетіміздің тұрақты кейіпкерлері. Наурыз басталды, ұлттық киімдерін киіп, төл құндылықты ұлықтап, сайлау, референдум сияқты саяси науқандарда азаматтық парыздарын өтеп, белсенділік танытатындары бар.
Анар Артықбай
Бөкей ордасы ауданы
