Бүгін Жаңақала ауданы мектебінде аудан әкімінің орынбасары Асқар Мұқамбетжановтың төрағалық етуімен сайлау мәселесі бойынша семинар-кеңес өткізілді.
Семинарға Батыс Қазақстан облыстық аумақтық сайлау комиссиясының төрағасы Ғайса Қапақов, Батыс Қазақстан облыстық аумақтық сайлау комиссиясының мүшелері, аудандық аумақтық, учаскелік сайлау комиссиясының төрағалары, орынбасарлары, хатшылары қатысты.
Отырыстың күн тәртібінде «Қазақстан Республикасының аудандық маңызы бар қалалары, ауылдары, кенттері, ауылдық округтері әкімдерінің сайлауын өткізу кезінде сайлау комиссиясының жұмысын ұйымдастыру» мәселесі қарастырылды.
Оқыту-семинарға қатысушылар сайлауды ұйымдастыру мен өткізудің құқықтық және ұйымдастырушылық аспектілері, сайлау комиссияларының қызметін ақпараттық қамтамасыз ету, сенімді адамдар мен байқаушылардың міндеттері мен құқықтары, мүмкіндігі шектеулі адамдардың сайлау құқықтарын қамтамасыз ету ауылдық деңгейдегі әкімдер сайлауын өткізу мәселесін талқылап, пікір алмасты.
Батыс Қазақстан облыстық аумақтық сайлау комиссиясының төрағасы Ғайса Қапақов аудандық сайлау комиссиясының мүшелері тиімді жұмыс істеу керек екенін, сайлау комиссия мүшелері жауапкершілікті сезініп және әр сайлаушының дауысы маңызды деген берік ұстам болу керек екенін атап айтты.
А.Айденова,
Жаңақала ауданы,
zhaikpress.kz
