Теректі аудандық әкімдігінде мемлекеттік қызметкерлер – дербес бөлім басшылары мен мамандар қатысуымен «Біздің мақсат – сапалы қызмет көрсету» тақырыбында дөңгелек үстел өтті.
Жиынды аудандық ішкі саясат бөлімінің басшысы Рауан Сатыбалдиев ашып, сөз кезегін арнайы келген «ASAR ORAL» жекеменшік қоры басшысы Ғалия Сатыбалдинаға ұсынды.
- Мемлекеттік қызметкерлер халық игілігі үшін жұмыс жасауда. Қазіргі кезде аудандарда да, ауылдық округтерде де өзіне қызмет көрсету бұрыштары жұмыс жасайды. Egof порталы арқылы қызмет алу сапасы жақсарып келеді, - деген Ғалия Кәмшатқызы сыбайлас жемқорлық, мемлекеттік қызметкерлердің өз қызметін асыра пайдалануы жайында сөз қозғады.
Дөңгелек үстел басында жиналған мемлекеттік қызметкерлер осы тақырып төңірегінде еркін ой-пікірлер айтып, өз қызметтерінде кездескен оқиғаларды да ортаға салды.
«Халыққа сапалы қызмет көрсету – мемлекеттік қызметкердің басты мақсаты» деген тұжырымға тоқталған мемлекеттік қызметкерлер отырыста естіген кеңестерді ойға түйіп, тарқасты.
Балнұр Қуанышқызы,
Теректі ауданы
zhaikpress.kz
