Кеше Казталов ауданы, Қараөзен ауылдық округіне қарасты Серік елді мекенінде «Қош келдің, әз Наурыз!» атты мерекелік дала қызығы өтті. Дәстүрімізге айналған Ұлыстың Ұлы күнін ауыл өнерпаздары арнау өлеңдермен ашып, ақ түйенің қарны жарылған ас та төк мерекелік думан тойды ауылдың ақ жаулықты әжелері шашу шашып қарсы алды.
Ұлыстың Ұлы күнінде құттықтау сөзбен дала қызығының шымылдығын ашқан Қараөзен ауылдық округінің әкімі Нұрхат Булаев, ауылдың ақсақалы Жүсіп Жақыпов, ардагерлер атынан Тұрар Татпанов пен Азамат Абуғалиев айтулы шараны жоғары деңгейде әзірлеген ұйымдастырушы жігіттерге жерлестері атынан алғыс айтты.
Ауылдың белсенді азаматтары арқылы жүзеге асқан мәдени көпшілік шарада әдемі әндер шырқалып, ұлттық ойындар ойналып, құрметті меймандарға дәмі тіл үйіретін наурыз көжелер ұсынылды.
Қыдыр Харесұлы
Казталов ауданы
