Ел Тәуелсіздігінің 30 жылдығына және Қазақстан прокуратурасының құрылған күніне орай ұйымдастырылған шағын футболда 5 команда бағын сынады.
Ашылу салтанатында Сырым ауданы әкімі Төлеген Төреғалиев пен аудан прокуроры Нартай Байменов қатысушыларға сәттілік тіледі.
Нәтижесінде, тартысқа толы ойын көрсеткен командалар ішінен аудандық білім беру бөлімінің "Білім" және аудандық полиция бөлімінің "Динамо" командалары
"Жеңіске деген жігері үшін" дипломдарымен марапатталды.
ІІІ орынға аудандық мектеп-лицейдің "Барыс" командасы, ІІ орынға аудан әкімі аппаратының "Айбын", І орынға айқын басымдылықпен төтенше жағдайлар бөлімінің теңбіл доп шеберлері лайық деп танылды.
Одан бөлек, Данияр Әшім "Үздік қорғаушы" , Ержан Құспан "Үздік қақпашы", Әспембет Қайыржанов "Үздік шабуылдаушы", Өркен Кенжебек "Үздік ойыншы" аталымдарына ие болды.
Жекелеген үздіктер мен жүлдегерлерлердің барлығына Сырым ауданының прокуроры Н.Байменовтың атынан диплом, кубок және естелік сыйлықтар табыс етілді.
Айжан Амангелдина,
Сырым ауданы
zhaikpress.kz
