Сырым аудандық жастармен жұмыс жөніндегі ресурстық орталықтың ұйымдастыруымен аталмыш мекеменің кеңесші маманы (компьютерлік дизайнері) Сембай Ихсанов жұмыссыздық деңгейін төмендету, жастардың біліктілігін шыңдау мақсатында ADOBE PHOTOSHOP қосымшасымен жұмыстану жайында шеберлік сағатын өткізді.
Шеберлік сағатында Сембай Мақсотұлы аталған қосымшамен суреттерді өңдеу, афиша, диплом, логотип жасау және тағы да басқа дизайнерлік жұмыстардың барысын түсіндіріп, тәжірибе жүзінде көрсетті.
Шара соңында қатысушылар өз ісінің шеберіне алғыс білдірді.
А.Бауыржанқызы,
Сырым ауданы
zhaikpress.kz
