Сырым аудандық Балалар-жасөспірімдер шығармашылық орталығының есеп беру концерті және “Дарын - 2023” үздіктер шеруі өтті.
Салтанатты шарада аудандық білім беру бөлімінің басшысы Әділ Ахмет құттықтау сөз сөйлеп, аудандық, облыстық байқауларда жүлдегер атанып жүрген балалар-жасөспірімдер шығармашылық орталығының “Жас суретші”, “Сиқырлы қылқалам”, “Қол өнер”, “Бала дауысы” үйірмелерінің шәкірттеріне алғыс хат табыстады.
“AMANAT” партиясының Сырым ауданының филиалы төрағасы Талғат Дарғожиев республикалық өнер байқауларының жеңімпаздары “Аружан”, “Айналайын” үлгілі би ансамбльдерінің оқушыларын марапаттады.
Аудандық білім беру бөлімінің әдіскерлері Берік Жанболсынов, Әсел Бекмұханова балалар-жасөспірімдер шығармашылық орталығының техникалық, гуманитарлық және спорт бағытындағы үйірмелердің жұмысын дамытуда қосып жүрген үлестері үшін, ауданның намысын түрлі облыстық додаларда қорғап жүрген дарынды оқушыларды марапаттап, естелік сыйлықтар табыс етті.
Салтанатты шара аталған шығармашылық орталығының үйірме шәкірттерінің концерттің бағдарламасына жалғасты.
Айжан Бауыржанқызы,
Сырым ауданы
zhaikpress.kz
