Шыңғырлау ауданында “Менің аулам - менің бағым” жобасы аясында жыл сайын сырттан кәсіпкерлерді шақырып, жәрмеңке ұйымдастыру дәстүрге айналған.
Жеміс-жидек ағаштарының көшеттері, гүлдер, бақшаға қажетті тұқымдар сатылымға шығатын жәрмеңкені халық әр көктемде асыға күтеді. Биыл бұл жәрмеңке Орал қаласынан келген “Сұлтан” жеке кәсіпкерлігінің қатысуымен өтті. 12 жылдан бері көшет өсіруді отбасылық кәсіп ретінде дөңгелетіп келе жатқан кәсіпкерлік басшысы Амангелді Құлниязов ауданымызға биыл екінші рет келіп, шыңғырлаулықтарға ауа райына бейімделген көшеттерді ұсынды.
Өз аулаларын шағын бау-бақшаға айналдырғысы келетін тұрғындар саны жыл санап өсіп келеді.
Сондай-ақ екі күндік жәрмеңкеде аудан кәсіпкерлері табиғи сүт өнімдерін, балық өнімдерін, жаңа піскен жеміс-жидектерді ұсынды.
Гүлжазира Асу,
Шыңғырлау ауданы,
zhaikpress.kz
