Орал қаласында Батыс Қазақстан облыстық жастармен жұмыс жөніндегі ресурстық орталығының 10 жылдық мерейтойы аясында «ЖРО премиясы – 2024» салтанатты шарасы өтті.
Бұл кеште он үш аталым бойынша үздік жастар мен белсенді азаматтар марапатталды. Соның ішінде, Шыңғырлау аудандық «Жастармен жұмыс жөніндегі ресурстық орталығы» КММ-нің басшысы Нұрлыбек Қайырбекұлы «Үздік ЖРО басшысы» аталымымен марапатталды.
Шараның негізгі мақсаты – жыл бойы қоғамға үлес қосқан, еңбегімен көзге түскен белсенді өңір жастарын марапаттау. Жастардың жетістігін атап өткен бұл мерейтойлық кеш олардың болашағына жаңа серпін беретін маңызды оқиға ретінде есте қалады.
Шыңғырлау ауданының жастары облыстық, республикалық іс-шараларда әркез белсенділік танытып, талай жетістіктерімен ауылдастарын қуантып келеді. Жылдық атқарылған жұмыстардың қортындысы бойынша аудандық жастармен жұмыс жөніндегі ресурстық орталығының басшысы Нұрлыбек Қайыржановтың алған марапаты үлкен жетістіктердің басы ғана деп білеміз.
Әсел Әлім
Шыңғырлау ауданы
