Батыс Қазақстан облыстық балалар-жасөспірімдер туризмі және экология орталығының ұйымдастыруымен білім қызметкерлері арасында БҚО балалар-жасөспірімдер туризмі және экология орталығының «Самал» туристік лагерінде «Европа-Азия 2024» республикалық туристік фестивалі өтті.
БҚО-ның жеті ауданы және елдің жеті облысынан келген командалар арасында тартысты жарыс өтті.
«Европа-Азия 2024» республикалық туристік фестиваліне Шыңғырлау аудандық туризм және экология орталығының қосымша білім беру педагогтарынан құралған команда қатысып, жақсы нәтиже көрсетті.
Атап айтсақ, «Техникалық қашықтық» бағыты бойынша командалық есепте – ІІІ, «Байлам» қашықтығы бойынша ерлер жұбы арасында Исқалиев Таңат, Мақсотов Айдос – ІІ, «Жеке» қашықтықтан Айдынғалиев Абай – І, «Түнгі бағдар» бағытынан Гайсиева Айкөркем, Шакит Аида жүлделі – ІІІ орындарды иеленді.
Тоғызқұмалақ және шахмат ойындарынан Мақсотов Айдос бірінші, ал, Шакит Аида үшінші орынға ие болды.
Абай Айдынғалиев
Шыңғырлау ауданы
