Бүгін Жаңақала ауданына қарасты Мәстексай ауылдық округінің Мұқыр елді мекенінде балаларға арналған шағын футбол алаңы ашылды.
Жаңа құрылысты атқарған “SUNS Capital” ЖШС. Алаңның жалпы құны – 16 миллион 177 мың теңге. Көлемі 800 шаршы метрді құрайды.
Аудан әкімі Алпамыс Көшкінбаев пен ауыл ақсақалдары спорт алаңының ашылуымен ауыл тұрғындарын құттықтап, ізгі лебіздерін жеткізді.
Салтанатты шараның лента қию рәсімі спорт жанашырлары Энгельс Қуанышұлы мен Талғат Назимұлына ұсынылды.
Сондай-ақ бұл шарада ауыл өнерпаздары сазды сәлемдемелерін жолдады.
Айзада Ақбасова,
Жаңақала ауданы
zhaikpress.kz
